İnsanları süni davranmağa məcbur edən şey, ürəklərində insanlardan gizli saxladıqları bəzi düşüncələrin olmasıdır. Daxili ilə xarici bir olmadığı üçün, içindən gəldiyi kimi təbii və səmimi davrana bilməzlər. Hər zaman nəyisə kamuflyaj etmək, nəyisə təqlid etmək və insanları razı salmaq üçün səy göstərirlər. Bu səbəblə də üzləri heç bir zaman öz gerçək üzləri, səsləri öz təbii səsləri olmaz və söhbətləri səmimi düşüncələrini əks etdirməz. Süni davranışları səbəbiylə bu insanlarla səmimi əlaqə qurmaq mümkün deyil. Gerçək şəxsiyyətlərini gizləyərlər; insanlar haqqındakı gerçək düşüncələrini, hadisələr haqqındakı gerçək fikirlərini, zəifliklərini, istək və tələblərini həmişə gizlətməyə çalışarlar. Bu xüsusiyyətləri onlara izah edildiyində, ya da süni davranışları izah edilib səmimiyyətə dəvət edildikdə belə yenə eyni süni reaksiyalarla cavab verərlər. Bu səbəbdən bu insanların gerçək xarakterlərini anlamaq, gerçək düşüncələrini öyrənmək heç zaman mümkün olmaz. Buna görə, bu insanların yanında heç zaman rahat olmaq olmur, çünki həqiqi simasını gizləyən kimsənin, hər zaman gözlənilməz davranışlar etmək, əxlaqsızlıq etmək ehtimalı vardır.Halbuki möminin ən əhəmiyyətli xüsusiyyətlərindən biri salam sifətinə sahib olması, yəni etibarlı insan olmasıdır. Ona bu etibarlılığı qazandıran Allahdan qorxub çəkinməsi, hər nə səhvi, ya da çatışmazlığı olursa olsun, bunları gizlətmək əvəzinə, düzəltmək üçün səmimi səy göstərməsidir. Bunun əksinə davranmaq, ən əvvəl Allaha qarşı səmimiyyətsizliyə, ardından da insanlara qarşı ikiüzlülüyə səbəb olur.
İkiüzlülük isə insana əzab verir, çünki səmimiyyət nə qədər asan və nə qədər rahat isə, ikiüzlülük də o qədər çətin və sıxıntılıdır. Səmimiyyətsizlik, insanın həyatı boyu bir an belə ara vermədən aktyorluq etməsini tələb edir. Bunun üçün, davamlı diqqətli olması lazım gəlir. Eyni şəkildə içindən gələn kimi davranmaması, gerçək xarakterin və təbii həyatının heç zaman yaşanmaması da insanları ciddi şəkildə bir əzaba salar. İnsanların belə bir əzab içində yaşamaqdansa, ürəklərindəki mənfilikləri müsbət anlayışa çevirmələri, gözəl əxlaq və gözəl düşüncəyə yiyələnmələri və bunun nəticəsində səmimi, təbii və rahat davranmaqdan çəkinməmələri çox asandır.
Dini və gözəl əxlaqı gerçək mənada yaşamaq və Allaha qarşı həqiqətən səmimi olmaq yerinə, bunun təqlidini etmə yolunu seçmək insanın həm dünyasını, həm də axirətini itirməsinə səbəb olar. Bu səbəblə insan ürəyində Qurana uyğun olmayan heç bir şey buraxmamalı və Allaha və möminlərə qarşı ən səmimi şəkildə davranmalıdır.
Комментариев нет:
Отправить комментарий